Fransa yığmasının sabiq hücumçusu Andre Pyer Jinyak Meksikanın “Tiqres” klubu ilə müqavilə yeniləyib.
Corner.az xəbər verir ki, 35 yaşlı futbolçu 3 illik yeni müqaviləyə imza atıb. Bu barədə sözügedən klubun rəsmi saytı məlumat yayıb.
Qeyd edək ki, Jinyak 2015-ci ildən “Tiqres”in uğurları üçün çalışır. O, bu komandanın heyətində 250 matça çıxıb, 147 qola imza atıb. Bununla da o, klub tarixinin ən çox qol vurmuş futbolçusu hesab olunur.
