"İnter” 26 ildir sponsoru olan “Pirelli” şirkəti ilə işbirliyinə son qoymağa qərar verib.
Corner.az xəbər verir ki, sözügedən şirkətin loqosu növbəti mövsümdən Milan təmsilçisinin formalarında yer almayacaq.
Bunu “Prielli”nin CEO-su Marko Tronchetti Provera İtaliya mətbuatına açıqlamasında bildirib. O, titul sponsorluğuna son qoyulduğunu bildirsə də, klubla münasibətlərinin davam edəcəyini vurğulayıb. “İnter” isə 2021/22 mövsümündən etibarən fərqli sponspor ilə müqavilə imzalayacaq.
Qeyd edək ki, “Pirelli” öz məhsulları ilə bütün dünyada məşhur olan avtomobil təkərlərinin istehsalı ilə məşğuldur. Sözügedən şirkət 1995/96 mövsümündən etibarən “İnter”in titul sponsoru idi.
İtaliya mətbuatının yazdığına görə, geridə qalan 26 il ərzində “Pirelli” “İnter”ə bütövlükdə 234 milyon avro ödəyib.
