Barselona'nın yeni prezidentindən Messi açıqlaması

 "Barselona"nın prezidenti vəzifəsinə yenidən seçilmiş 58 yaşlı funksioner Joan Laporta argentinalı hücumçu Lionel Messinin komandadakı gələcək fəaliyyəti ilə bağlı fikirlərini bölüşüb.

Corner.az xarici mətbuata istinadən xəbər verir ki, Kataloniya təmsilçisinin yeni prezidenti bunları deyib:

"Mən Lionel Messiyə zəng vuracam. Mən Leonu qalmağa inandıra biləcəyəmmi? Bu ondan asılı olacaq, mən onun “Barsa”da qalması üçün öz gücüm və klubun iqtisadi imkanları çərçivəsində hər şeyi edəcəm", - deyə o bildirib.

Qeyd edək ki, Messinin "Barselona" ilə müqaviləsi iyunun 30-da başa çatır