- Transfer
- 23:57 07.04.2026
PSJ klubu futbolçusu Anxel Di Mariya ilə müqavilə müddətini uzadıb.
Corner.az-ın klubun rəsmi saytına istinadən məlumatına görə, tərəflər 2022-ci ilin iyununadək yeni sözləşmə imzalayıblar. Argentinalı yarımmüdafiəçinin əvvəlki sözləşməsi bu ilin yayınadək idi. "Transfermarkt" 33 yaşlı oyunçuya 28 milyon avro qiymət qoyub.
Qeyd edək ki, Anxel Di Mariya 2015-ci ildən PSJ formasını geyinir. Bu mövsüm təcrübəli futbolçu 25 oyuna 5 qol və 12 məhsuldar ötürmə edib.
