Moldova klubu azərbaycanlı futbolçunun keçidini rəsmən açıqladı

Moldovanın “Dinamo-Avto” klubu azərbaycanlı futbolçu Orxan Qurbanlının keçidini rəsmən açıqlayıb.

Corner.a, xəbər verir ki, bu barədə Tiraspol təmsilçisinin mətbuat xidməti məlumat yayıb. 25 yaşlı yarımmüdafiəçi 2021-ci ilin sonuna qədər icarə əsasında “Dinamo-Avto”nun uğurları üçün çalışacaq.

Azərbaycanlı yarımmüdafiəçi müqavilə ilə “Ventspils” klubuna məxsusdur. Latviya təmsilçisi ötən ay onunla müqavilə imzalamışdı.

Qeyd edək ki, “Neftçi”nin yetirməsi olan Orxan, Azərbaycanda “ağ-qaralar”dan başqa “Səbail”də də çıxış edib. Bundan əlavə, yarımmüdafiəçi 2016-ci ildə icarə əsasında 6 ay Latviyanın “Dauqavpils” komandasının formasını geyinib.