“Portu” klubu futbolçusu Otavio ilə yeni müqavilə imzalayıb.
Corner.az xəbər verir ki, bu barədə klubun mətbuat xidməti məlumat yayıb. 26 yaşlı yarımmüdafiəçi ilə müddəti 2025-ci ilin yayına qədər olan sözləşmə imzalanıb.
Otavionun adı “Milan”la hallanırdı.Braziliyalı yarımmüdafiəçinin mövsümün sonunda azad agent kimi A Seriyası klubuna keçəcəyi iddia olunurdu.
Qeyd edək ki, Otavio 2014-cü ildən “Portu”da çıxış edir. O, Portuqaliya klubunda 177 oyuna çıxıb, 19 qol və 45 məhsuldar ötürmə ilə yadda qalıb.
