- Transfer
- 22:06 30.10.2024
“Sauthempton”un futbolçusu Denni İnqz mövsümün sonunda klubu tərk edə bilər.
Corner.az xəbər verir ki, “Mançester Siti” klubu 28 yaşlı hücumçu ilə yaxından maraqlanır. Bu barədə “Sky Sports” məlumat yayıb. Məlumatda, “şəhərlilər”in yayda komandadan ayrılacağı gözlənilən Serxio Aqueronun əvəzinə İnqzi transfer etmək istədiyi bildirilib.
İnqz bu mövsüm “Sauthempton”la Premyer Liqada 22 oyunda 9 qol vurub. İngilis hücumçu daha əvvəl “Bornmut”, “Bernli”, “Liverpul” kimi klublarda çıxış edib. İnqzin “transfermarkt”da dəyəri 22 milyon avrodur.
