Real kapitanı ilə razılığa gələ bilmir

“Real” klubu komandanın 34 yaşlı kapitanı Serxio Ramos ilə müqavilənin uzadılması barədə razılığa gələ bilmirlər.

Corner.az “AS” nəşrinə istinadən xəbər verir ki, Madrid klubu Ramosa maaşını 20 faiz azaltmaqla bir illik müqavilə təklif edir. İspaniyalı müdafiəçi bu təkliflə razılaşmaq niyyətində deyil və klubla daha uzunmüddətli müqavilə imzalamaq istəyir.

Eyni zamanda, klub rəhbərliyi bir neçə gündən sonra 34 yaşı tamam olacaq futbolçu ilə əməkdaşlığın uzunmüddətli olmasına müsbət yanaşmır.

Qeyd edək ki, Ramosun “Real Madrid” ilə hazırkı müqaviləsi 2021-ci il iyun ayının sonuna qədərdir.O, 2005-ci ildən Realda çıxış edir.