Atletiko onun üçün 120 milyon avro tələb edir

“Atletiko” klubu futbolçusu Markos Llorentenin transfer dəyərini müəyyənləşdirib.

Corner.az xəbər verir ki, Madrid təmsilçisi 26 yaşlı yarımmüdafiəçini heyətinə qatmaq istəyən klublardan 120 milyon avro tələb edir. Bu barədə “Marca” nəşri məlumat yayıb.

Hazırda Llorente ilə “Mançester Yunayted” klubu maraqlanır. “Qırmızı şeytanlar” ispaniyalı yarımmüdafiəçini heyətinə qatmaq istəsə də, onun üçün 120 milyon avro ödəmək niyyətində deyil.

Qeyd edək ki, 2019-cu ilin yayında 30 milyon avro qarşılığında “Real”dan “Atletiko”ya keçən Llorente, bu mövsüm 36 oyunda 10 qol vurub, 9 məhsuldar ötürmə edib.