Mançester Siti 18 yaşlı futbolçu aldı

 "Mançester Siti" klubu heyətini yeni futbolçu ilə gücləndirib.

Corner.az xəbər verir ki, "şəhərlilər" "Estudiantes"in yarımmüdafiəçisi Dario Sarmyentonu transfer edib. Bu barədə italiyalı jurnalist Fabritsio Romano özünün şəxsi "Tvitter" hesabında paylaşıb.

18 yaşlı yarımmüdafiəçi ilə 5 illik müqavilə imzalanacaq. Gənc oyunçu yeni komandasına bu ilin iyununda qoşulacaq.

Premyer Liqa təmsilçisi argentinalı futbolçu üçün 5 milyon avro təzminat ödəyib. Daha sonra 12 milyon avro bonus kimi qarşı tərəfə ödəniləcək. Həmçinin "Estudiantes" Sarmyentonun növbəti satışından ümumi məbləğin 20 faizi qədər pul alacaq.