- Transfer
- 22:06 30.10.2024
"Qarabağ"dan ayrılan Azərbaycan millisinin futbolçusu Mahir Emrelinin Polşanın "Legiya" klubunda qazanacağı məbləğ və müqaviləsinin müddəti açıqlanıb.
Corner.az-ın məlumatına görə, bu barədə Polşada fəaliyyət göstərən ispaniyalı jurnalist Eugenio Qonsales Agilera şəxsi "Tvitter" hesabında yazıb.
O, 23 yaşlı hücumçunun 3 illik müqavilə imzalayacağını və illik 450 min avro maaş alacağını vurğulayıb.
Agilera bu keçidin qarşıdakı günlərdə rəsmən açıqlanacağını bildirib.
Qeyd edək ki, Mahir Emreli 2015-ci ildən "Qarabağ"ın uğurları üçün çalışır.
