- Transfer
- 23:57 07.04.2026
“Arsenal” klubunun futbolçusu Matteo Genduzi karyerasını Fransada davam etdirə bilər.
Corner.az xəbər verir ki, “Marsel” 22 yaşlı yarımmüdafiəçi ilə yaxından maraqlanır. Bu barədə “Lequipe” nəşri məlumat yayıb. Məlumatda, “Marsel”in Genduzini icarəyə götürmək istədiyi və “Arsenal”la rəsmi danışıqlara başladığı bildirilib.
Genduzi son mövsümü icarə əsasında Almaniyanın “Herta” klubunda keçirib. Fransalı futbolçunun “Arsenal”la müqaviləsi 2022-ci ilin yayına qədərdir.