- Transfer
- 23:58 02.07.2026
"Qarabağ" klubu yeni transferini açıqlayıb.
Corner.az-ın məlumatına görə, "Köhlən atlar" bu barədə rəsmi yutub kanalından paylaşım edib.
Ağdam təmsilçisi 25 yaşlı braziliyalı yarımmüdafiəçi Kadi Yuri Borxes Malinovski ilə 2+1 illik müqavilə imzalanıb. Oyunçu 20 nömrəli formanı geyinəcək.
Qeyd edək ki, Kadi Yuri Borxes Malinovski peşəkar karyerasına ölkəsinin "Koritiba" klubunda başlayıb. O, son olaraq Portuqaliyanın "Vilafranquense" komandasının formasını geyinib.
