- Transfer
- 23:26 11.03.2025
İspaniyanın “Atletiko” klubu heyətini yeni futbolçu ilə gücləndirməyə hazırlaşır.
Corner.az xəbər verir ki, Madrid təmsilçisi “Udineze”nin yarımmüdafiəçisi Rodriqo De Paulu transfer etməyə yaxındır. Bu barədə İtaliya mətbuatı məlumat yayıb. Məlumatda, “Atletiko” nun 27 yaşlı futbolçu və klubu ilə razılığa gəldiyi vurğulanıb.
Madrid klubu argentinalı futbolçu üçün “Udineze”yə 35 milyon avro ödəyəcək.
Hazırda Argentina yığmasının düşərgəsində olan Rodriqo yaxın zamanda yeni klubu ilə rəsmi müqavilə imzalayacaq.
