Bayern'dən Asensio üçün 120 milyon avro

Real Madrid'in futbolçusu Marco Asensio yayda klubunu dəyişə bilər.

Corner.az "Don Balon"a istinadən xəbər verir ki, Bayern Munich 23 yaşlı futbolçu ilə maraqlanır. Münhen təmsilçisinin futbolçu üçün 120 milyon avro ödəməyə hazır olduğu bildirilib.Klub rəhbərliyinin Asensio ilə artıq danışıqlara başladığı və ona təklif göndərdiyi vurğulanıb.

Xəbərdə o da qeyd olunub ki, Asensio Bayern Munich'ə keçməyə narazı deyil. Onun "Real"ın baş məşqçisi Solari ilə problemləri səbəbindən Madrid klubundan ayrılmaq istədiyi iddia olunub.

Qeyd edək ki, ispaniyalı futbolçu bu  mövsüm 31 matçda 5 qol vurub, 5 qolun ötürməsini verib.