Mançester Yunayted Borussiya ilə razılaşdı

“Mançester Yunayted” klubu heyətini yeni futbolçu ilə gücləndirməyə hazırlaşır.

Corner.az xəbər verir ki, “qırmızı şeytanlar” “Borussiya Dortmund”dan Ceydon Sançonu heyətinə qatmağa yaxındır. Bu barədə Almaniyanın “Bild” nəşri məlumat yayıb. Xəbərdə, “Mançester Yunayted”in 21 yaşlı hücumameyilli yarımmüdafiəçi ilə razılaşdığı bildirilib.

“Mançester Yunayted” Sanço üçün “Borussiya”ya bonuslarla birlikdə 95 milyon avro ödəyəcək. Premyer Liqa təmsilçisi  ingilis futbolçunun keçidini yaxın zamanda açıqlayacaq.

Sanço “Borussiya” ilə ümumilikdə 133 oyunda 46 qol vurub, 62 məhsuldar ötürmə edib.