Millimizin hücumçusu Ukrayna klubu ilə müqavilə bağladı

Futbol üzrə Azərbaycan millisinin hücumçusu Anatoli Nuriyevin yeni klubunun adına rəsmən aydınlıq gəlib.

Corner.az xəbər verir ki, 25 yaşlı futbolçu bundan sonra karyerasını Ukraynanın “Kolos” klubunun uğurları üçün çalışacaq.

Bu barədə sözügedən klubun mətbuat xidməti məlumat yayıb. Millimizin üzvü ilə Premyer Liqa təmsilçisi arasındakı müqavilənin müddəti və digər detalları açıqlanmayıb. Anatoli yeni komandasında “11” nömrəli forma ilə çıxış edəcək..

Qeyd edək ki, Anatoli Nuriyev son olaraq Ukrayna Premyer Liqasının digər iştirakçısı “Minay”da forma geyinib.