İtaliyanın “Milan” klubu “Breşiya”dan icarəyə götürdüyü Sandro Tonalinin transfer hüquqlarına yiyələnib.
Corner.az xəbər verir ki, bu barədə klubun rəsmi saytı məlumat yayıb.
İtaliyalı futbolçu ilə 5 illik müqavilə imzalanıb. 21 yaşlı futbolçu, 2026-cı ilin 30 iyununa qədər məhz bu komandada çıxış edəcək. Tonali “8” nömrəli formanı geyinəcək.
Qeyd edək ki, Tonali ötən mövsümün əvvəlində icarəyə götürülmüşdü. İtaliyalı yarımmüdafiəçi bu komandanın heyətində 37 oyuna çıxıb.
