Fransanın “Nitsa” klubu heyətini yeni futbolçu ilə gücləndirib.
Corner.az xəbər verir ki, Liqa 1 təmsilçisi Niderlandın PSV klubunun yarımmüdafiəçisi Pablo Rosarionu transfer edib.
Bu barədə klubun rəsmi saytı məlumat yayıb. 24 yaşlı yarımmüdafiəçi ilə imzalanan müqavilənin müddəti və digər detalları barədə açıqlama verilməyib.
Rosario peşəkar karyerasına “Almere Siti” klubunda başlayıb. O, 2016-cı ildən PSV-də çıxış edirdi. Niderlandlı futbolçu bu komandanın heyətində keçirdiyi dörd mövsüm ərzində 120 matça çıxıb, 5 qola imza atıb.
