Neftçi'nin rəqibi Qalatasaray'dan ayrılan futbolçu ilə danışıq aparır

UEFA Çempionlar Liqasının II təsnifat mərhələsində "Neftçi"nin rəqibi olan Yunanıstan "Olimpiakos"u heyətini yeni futbolçu ilə gücləndirməyə hazırlaşır.

Corner.az "Owngoalnigeria" nəşrinə istinadən xəbər verir ki, Afina təmsilçisi "Qalatasaray"dan ayrılan Henri Onyekuru ilə yaxından maraqlanır.

Müqavilə ilə "Monako"ya məxsus olan 24 yaşlı hücumçu ilə Türkiyənin digər klubları da maraqlanır. Lakin "Olimpiakos"un bir addım öndə olduğu vurğulanıb.

Qeyd edək ki, Henri Onyekuru "Qalatasaray"a bu ilin yanvarında keçib. O, daha əvvəl 2018/2019 mövsümündə və 2020-ci ildə İstanbul klubunda icarə əsasında çıxış edib.

Əlavə edək ki, bu gün "Bakcell Arena"da keçiriləcək "Neftçi" - "Olimpiakos" oyunu saat 21:00-da başlayacaq. "Ağ-qaralar" ilk matçda minimal hesabla uduzub - 0:1.