Millimizin futbolçusu Portuqaliya klubunda

 "Vulverhempton"un futbolçusu Renat Dadaşov karyerasını yenidən Portuqaliyada davam etdirəcək.

Corner.az xəbər verir ki, 22 yaşlı hücumçu bu ölkənin "Tondela" klubuna keçib. O, növbəti mövsümü icarə əsasında bu Portuqaliya təmsilçisində keçirəcək.

Keçidi ilə bağlı yeni klubunun rəsmi saytına danışan Azərbaycan millisinin üzvü meydana çıxmaq üçün səbirsizləndiyini bildirib: "Karyeramdakı bu addımdan razıyam. Ailəm və dostlarımla da məsləhətləşdim və bu variantın mənim üçün ideal olduğunu bildim".

Qeyd edək ki, "Vulverhempton"la 2023-cü ilin yayınadək müqaviləsi olan Renat Dadaşov daha əvvəl Portuqaliyada "Eştoril" və "Pakuş de Ferreyra" klublarının da formasını geyinib