- Transfer
- 21:06 17.12.2025
Portuqaliyanın “Boavişta” klubu futbolçusu Adil Rami ilə yollarını ayırıb.
Corner.az xəbər verir ki, 35 yaşlı müdafiəçinin müddəti bitən müqaviləsi yenilənməyib. Bu barədə “Boavişta”nın mətbuat xidməti məlumat yayıb.
Rami 2020-ci ilin sentyabrından Portuqaliya təmsilçisinin uğurları üçün çalışırdı.
Fransalı futbolçu daha əvvəl Fransada “Lill”, “Marsel”, İspaniyada “Valensiya”, “Sevilya”, İtaliyada “Milan”, Türkiyədə “Fənərbaxça”, Rusiyada “Soçi” kimi klublarda çıxış edib.
