Lester onun üçün Arsenal'dan 70 milyon istəyir

İngiltərənin “Arsenal” klubu heyətini yeni futbolçu ilə gücləndirməyə hazırlaşır.

Corner.az xəbər verir ki, London təmsilçisi “Lester”dən Ceyms Meddisonu transfer etməyi planlaşdırır. Bu barədə “Sky Sports” telekanalı məlumat yayıb.

Məlumatda, “tülkülər” 24 yaşlı yarımmüdafiəçi üçün "topçular"dan azı 70 milyon avro tələb etdiyi vurğulanıb. “Lester” ancaq bu məbləğə Meddisonun transferinə razılıq verə bilər.

İngiltərə milli komandasının da üzvü olan yarımmüdafiəçi 2018-ci ildən “Lester”də çıxış edir. O, bu komanda ilə 118 matçda 27 qol vurub, 28 məhsuldar ötürmə edib.