Aquero da Barselona'dan ayrılır

"Barselona" klubu daha bir futbolçusu ilə yollarını ayıra bilər.

Corner.az "Beteve" nəşrinə istinadən xəbər verir ki, Serxio Aquero Lionel Messi ilə bağlı qərardan sonra Kataloniya təmsilçisi ilə yollarını ayırmaq istəyir.

33 yaşlı hücumçu nümayəndələri klubla müqavilə şərtlərinə yenidən baxılmasını istəyir. "Barselona" rəhbərliyi argentinalı hücumçuya sözləşmə bağlayarkən Messi ilə birlikdə oynayacağına dair söz verib.

Qeyd edək ki, "Barselona" mayın 31-də Serxio Aquero ilə iki illik müqavilə imzalayıb. Klub avqustun 5-də Lionel Messi ilə yollarını ayırıb.