İtaliyanın “Roma” klubu heyətini yeni futbolçu ilə gücləndirib.
Corner.az xəbər verir ki, paytaxt təmsilçisi müdafiəçi Matias Vinanı transfer edib.
Bu barədə klubun rəsmi saytı məlumat yayıb. “Palmeyras”dan transfer olunan 23 yaşlı futbolçu ilə 5 illik müqavilə imzalanıb.
“Canavarlar” uruqvaylı futbolçu üçün Braziliya klubuna 13 milyon avro ödəyib. Matias yeni komandasında “5” nömrəli formanı geyinəcək.
Qeyd edək ki, Matias Vina, 2020-ci ilin yanvarından “Palmeyras”da çıxış edirdi.
