Real'ın sabiq qapıçısı yenidən La Liqada

İspaniyanın “Elçe” klubu heyətini yeni futbolçularla gücləndirib.

Corner.az xəbər verir ki, La Liqa təmsilçisi İngiltərənin “Lids” klubundan qapıçı Kiko Kasilyanı transfer edib.

Bu barədə İspaniya klubunun rəsmi saytı məlumat yayıb. 34 yaşlı qolkiper qarşıdakı mövsümün sonuna kimi icarəyə götürülüb.

 Kiko Kasilya, “Real”ın yetirməsidir. İspaniyalı oyunçu, karyerası ərzində “Espanyol”, “Kadis”, “Kartaxena” kimi klubların da formasını geyinib. 2015-ci ildə yenidən “Real”a qayıdan, 2019-cu ilə qədər Madrid təmsilçisində çıxış edən futbolçu, elə bu klubdan ayrılandan bəri “Lids”in uğurları üçün çalışırdı.