- Transfer
- 23:59 29.10.2024
"Barselona”dan ayrılan Lionel Messinin yeni klubu rəsmən müəyyənləşib.
Corner.az xəbər verir ki, Fransanın PSJ klubu 34 yaşlı futbolçunu transfer edib.
Bu barədə Paris klubunun rəsmi saytı məlumat yayıb. Argentinalı forvard yeni klubu ilə 2+1 illik sözləşməyə imza atıb.
Yeni komandasında "30" nömrəli formada çıxış edəcək Messi'nin illik qazancı 35 milyon avro olacağı bildirilib.
Qeyd edək ki, Messi “Barselona”nın yetirməsidir. O, 2004-cü ildən Kataloniya təmsilçisinin əsas komandasında çıxış edirdi. Bu müddət ərzində 778 matça çıxan forvard, 672 qola imza atmışdı. Argentina millisinin də üzvü olan futbolçunun İspaniya nəhəngi ilə müqaviləsinin müddəti bu yay başa çatmışdı.
