Bursaspor Neftçi'yə Namik Ələskərovla bağlı rəsmi təklif göndərdi

Türkiyənin "Bursaspor" klubu Azərbaycan millisinin futbolçusu Namik Ələskərov üçün "Neftçi"yə rəsmi təklif göndərib.

Corner.az-ın "Olay Final" nəşrinə istinadən məlumatına görə, bu, 26 yaşlı yarımmüdafiəçinin müqaviləsindəki 50 min avro qarşılığında azad agent statusu ala biləcəyinə dair maddə əsasında reallaşıb.Azərbaycan çempionu avqustun 12-də Finlandiyada HİK-lə keçirəcəyi Avropa Liqasının III təsnifat mərhələsinin cavab görüşünün nəticəsinə uyğun olaraq, "timsahlar"a cavab verəcək.

Daha əvvəl "Bursaspor" Azərbaycan millisinin sabiq futbolçusu Ufuk Budakı transfer edib.

Qeyd edək ki, avqustun 3-də "Bakcell Arena"da keçirilmiş ilk oyunda qalib müəyyənləşməyib - 2:2.