Daha bir futbolçu Barselona'dan ayrıla bilər

 “Barselona”nın futbolçusu Antuan Qrizmann karyerasını İngiltərədə davam etdirə bilər.

Corner.az xəbər verir ki, “Mançester Yunayted” klubu fransalı hücumçunu transfer etmək niyyətindədir. Bu barədə “The Sun” nəşri məlumat yayıb. Məlumatda, “qırmızı şeytanlar”ın yaxın zamanda 30 yaşlı hücumçu üçün “Barselona” ilə danışıqlara başlayacağı vurğulanıb.

Kataloniya təmsilçisi maliyyə problemlərini həll etmək üçün yaxşı təklif qarşılığında Qrizmannı satmağa razıdır.

2019-cu ilin yayında “Atletiko”dan “Barselona”ya keçən Qrizmann, Kataloniya təmsilçisində ötən mövsüm 51 oyunda 20 qol vurub, 13 məhsuldar ötürmə edib.