Barselona daha bir türk futbolçu transfer edir

İspaniyanın “Barselona” klubu heyətinə daha bir türk futbolçunu transfer etməyə hazırlaşır.

Corner.az xəbər verir ki, Kataloniya təmsilçisi Türkiyənin “Kayserispor” klubundan Emre Demirlə maraqlanır. Bu barədə “NTV Spor” telekanalı məlumat yayıb. Məlumatda, “Barselona”nın 17 yaşlı yarımmüdafiəçi üçün “Kayserispor”a rəsmi təklif göndərdiyi vurğulanıb.

“Kayserispor”un isə Emre Demir üçün 2 milyon avro təzminat istədiyi bildirilir. "Barselona"nın bu təklifi qəbul edəcəyi halda gənc futbolçu ilə 5 illik müqavilə imzalayacaq.

Emre 17 yaşında olduğu üçün daha bir mövsüm Kayseri təmsilçisində çıxış edəcək. O, ötən mövsüm Super Liqada 26 oyuna çıxıb.

“Barselona” yay transfer pəncərəsi dövründə Avstriyanın “Rapid” klubundan türk əsilli avstriyalı yarımmüdafiəçi Yusuf Demiri heyətinə qatıb.