Türkiyənin “Qalatasaray” klubu heyətini yeni futbolçu ilə gücləndirib.
Corner.az xəbər verir ki, İstanbul təmsilçisi “Kopenhagen”dən Viktor Nelssonu transfer edib.
Bu barədə İstanbul klubunun mətbuat xidməti məlumat yayıb.
22 yaşlı müdafiəçi ilə 5 illik müqavilə imzalanıb. “Qalatasaray” bu transferə görə “Kopenhagen”ə 5 il içində 7 milyon avro ödəyəcək. "Sarı - qırmızı"lar yeni transferinin qiymətini açıqlayıb. Qarşıdakı 5 il içində hansısa klub danimarkalı futbolçunu transfer etmək istəsə, “Qalatasaray”a 25 milyon avro təzminat ödəməlidir.
Viktor Nelsson “Nordsyelland” klubunun yetirməsidir. Mərkəz müdafiəçisi 2019-cu ildən “Kopenhagen”də çıxış edirdi.
