- Transfer
- 23:58 02.07.2026
Türkiyənin I liqasında çıxış edən "Bursaspor" klubu Azərbaycan millisinin futbolçusu Namik Ələskərovun keçidini açıqlayıb.
Corner.az xəbər verir ki, Bursa təmsilçisi bununla bağlı rəsmi tvitter səhifəsində video paylaşıb.
"Neftçi"dən ayrılan 26 yaşlı yarımmüdafiəçi ilə imzalanmış müqavilənin detalları barədə isə məlumat verilməyib.
Qeyd edək ki, Namik Ələskərov 2017-ci ildən "Neftçi"də çıxış edirdi. O, 2020/2021 mövsümündə "ağ-qaralar"ın heyətində Azərbaycan Premyer Liqasının qalibi olub. Yarımmüdafiəçi həmin mövsüm 19 qolla çempionatın bombardiri adını da qazanıb.
