Mbappe düşüncəmdə yoxdur - Ançelotti

“Real”ın baş məşqçisi Karlo Ançelotti adı klubla hallanan Kilian Mbappe haqda açıqlama verib.

Corner.az xarici mətbuata istinadən xəbər verir ki, 62 yaşlı mütəxəssis, PSJ-də çıxış edən fransalı hücumçu ilə maraqlanmadığını deyib:

“Klub rəhbərliyi ilə hər gün əlimdə olan heyətlə bağlı danışıram. Hazırkı heyətdən razıyam və bütün diqqətim komandamdadır. Mbappenin transferi haqqında heç bir fikrim yoxdu, açıq demək lazımdırsa düşüncəmdə də yoxdur. Bu komandada yüksək səviyyəli futbolçular var və bu heyət hər şeyi qazanmaq üçün rəqabət edə biləcək səviyyədə”.