Neftçi avstraliyalı futbolçu ilə danışıqlar aparır

Avstraliya millisinin futbolçusu Nikita Rukavitsa karyerasını "Neftçi"də davam etdirə bilər.

Corner.az xəbər verir ki, bu barədə klubun Media, marketinq və ictimaiyyətlə əlaqələr departamentinin rəhbəri Rüstəm Allahverdiyev məlumat verib.

O bildirib ki, 34 yaşlı hücumçu ilə danışıqlar davam edir: "Bəli, belə bir variant var. Danışıqlar gedir, lakin hələ konkretləşməyib".

İsrail mətbuatı da təcrübəli futbolçunun "ağ-qaralar"ın maraq dairəsində olduğunu yazıb. Rukavitsaya yaxın mənbənin sözlərinə görə, futbolçu yaxın günlərdə yekun qərarını açıqlayacaq.

Qeyd edək ki, Nikita Rukavitsanın son iş klubu İsrailin “Makkabi” (Hayfa) komandası olub. Hazırda azad agent olan hücumçu ötən mövsüm Hayfa təmsilçisinin heyətində 22 oyuna 19 qol vurub. Forvard daha əvvəl Niderlandda "Tvente", Almaniyada "Herta", "Maynts" və "Frankfurt"un da şərəfini qoruyub.(report)