Fransanın “Bordo” klubu heyətinə yeni futbolçu cəlb edib.
Corner.az xəbər verir ki, Liqa 1 təmsilçisi Portuqaliyanın “Braqa” klubunun yarımmüdafiəçisi Franserjio Barbosanı transfer edib.
Bu barədə klubun rəsmi saytı məlumat yayıb. 30 yaşlı futbolçu ilə 3+1 illik müqavilə imzalanıb.
“Bordo” braziliyalı futbolçuya görə Portuqaliya klubuna 4.5 milyon avro ödəyib. Lakin müqavilədə nəzərdə tutulmuş bonuslarla bu məbləğ 7.5 milyon avroya qədər arta biləcəyi vurğulanıb.
Franserjio Barbosa 2017-ci ildən “Braqa”da çıxış edirdi. O, bu komandanın heyətində meydana çıxdığı 149 oyunda 22 qol vurub, 19 məhsuldar ötürmə müəllifi olub.
