Türkiyənin “Fənərbaxça” klubunun yarımmüdafiəçisi Oğuz Kağan Güçtekin İstanbul təmsilçisindən ayrılıb.
Corner.az xəbər verir ki, 22 yaşlı futbolçu karyerasını Belçikada davam etdirəcək.
Oğuz bu ölkənin “Vesterlo” klubuna transfer olunub. Bu barədə “Fənərbaxça”nın mətbuat xidməti məlumat yayıb. Futbolçuya xidmətlərinə görə təşəkkür edən İstanbul təmsilçisi, ona yeni komandasında uğurlar arzulayıb.
Qeyd edək ki, Oğuz Kağan Güçtekin “Fənərbaxça”nın öz yetirməsidir. O, son mövsümlərdə “Rizəspor” və “Konyaspor”da icarədə də oynayıb.
