Mançester Yunayted Ronaldo ilə müqavilə imzaladı

 "Mançester Yunayted" klubu yeni transferi Kriştiano Ronaldo ilə müqavilə imzalayıb.

Corner.az klubun rəsmi saytına istinadən xəbər verir ki, 36 yaşlı hücumçu ilə sonradan daha bir il uzadıla bilməsi şərti ilə 2 illik sözləşmə bağlanılıb.

Portuqaliyalı futbolçu "qırmızı-şeytanlar"a keçidini belə dəyərləndirib: "Ötən həftənin cümə günü transfer elan edildikdən sonra aldğım bütün mesajlar məni çox təsirləndirdi. "Old Trafford"da dolu tribunaların qarşısında oynamağı və azarkeşləri bir daha görməyi səbirsizliklə gözləyirəm. Milli komandaların beynəlxalq oyunlarından sonra kollektivə qoşulacağam. Ümid edirəm ki, çox uğurlu mövsüm keçirəcəyik".

Qeyd edək ki, son klubu İtaliya "Yuventus"u olan Kriştianu Ronaldu 2003 - 2009-cu illərdə "Mançester Yunayted"in formasını geyinib.