Neftçi braziliyalı hücumçunu açıqladı - VİDEO

Azərbaycan çempionu “Neftçi” heyətini yeni futbolçu ilə gücləndirib.

Corner.az xəbər verir ki, paytaxt klubu braziliyalı hücumçu Ramon Maçadonu heyətinə qatıb.

Bu barədə klubun mətbuat xidməti məlumat yayıb. “Ağ-qaralar” 30 yaşlı hücumçu ilə 1illik müqavilə bağlayıb. Maçadonun 91 nömrəli formada çıxış edəcəyi vurğulanıb.

Ramon Maçadonun son klubu “Brazil de Pelotas” klubu olub. O, karyerası ərzində “Yan Regensburq”, “Esportivo”, “Boa Esporte”, “Lajeadense”, “Ponte Preta”, “Yuventude”, “Vila Nova”, “İtuano”, “Parana”, “Santo Andre”, “Botafoqo-PB” kimi komandalarda da forma geyinib.