Montella rəsmən Adana Dəmirspor'da

Türkiyənin “Adana Dəmirspor” komandasının yeni baş məşqçisi müəyyənləşib.

Corner.az xəbər verir ki, Adana təmsilçisinin "sükanı" Vinçentso Montellaya həvalə olunub.

Bu barədə klubun mətbuat xidməti məlumat yayıb. 47 yaşlı mütəxəssislə 2 illik müqavilə imzalanıb. O, bu vəzifədə Samet Aybabanı əvəzləyib.

Qeyd edək ki, Vinçentso Montella məşqçilik karyerasına 2011-ci ildə “Roma”da başlayıb. İtaliyalı mütəxəssis sonralar “Kataniya”, “Fiorentina”, “Sampdoriya”, “Milan” və “Sevilya” klublarına da rəhbərlik edib. O, son olaraq 2019-cu ildə “Fiorentina”nı ikinci dəfə çalışdırıb.