Fənərbaxça almaniyalı futbolçularla anlaşdı

Türkiyənin "Fənərbaxça" klubu heyətini iki yeni futbolçu ilə gücləndirib.

Corner.az "NTV Spor"a istinadən xəbər verir ki, İstanbul təmsilçisi Avstriya "Zaltsburq"unun 23 yaşlı hücumçusu Mergim Berişa və Almaniyanın "Köln"dən 26 yaşlı yarımmüdafiəçisi Maksimilan Mayerlə razılığa gəlib.

Hər iki oyunçu tibbi müayinədən keçdikdən sonra onlarla rəsmi müqavilə imzalanacaq.

Qeyd edək ki, Avstriyada LASK və "Altax" komandalarının da formasını geyinən Berişa ölkəsində isə "Maqdeburq"un şərəfini qoruyub. Karyerası ərzində 170 oyun keçirən 23 yaşlı forvard 70 qol vurub və 38 məhsuldar ötürmə verib.