“Barselona” klubunun yarımmüdafiəçisi Miralem Pyaniç karyerasını "Beşiktaş"da davam etdirəcək.
Corner.az xəbər verir ki, bu barədə İstanbul təmsilçisinin mətbuat xidməti məlumat yayıb.
Məlumatda, 31 yaşlı futbolçunun transferi ilə bağlı “Barselona” ilə danışıqlara başladığı vurğulanıb. Türkiyə mətbuatının yazdığına görə, “qara qartallar” Pyaniçi bir illik icarəyə götürəcək və maaşının bir hissəsini ödəyəcək.
Bosniya və Herseqovina yığmasının da üzvü ötən il “Yuventus”dan “Barselona”ya transfer olunmuşdu. Təcrübəli yarımmüdafiəçi daha öncə “Roma”, “Olimpik” (Lion) və “Mets” klublarında da forma geyinib.
