Murilyo yenidən La Liqa klubunda

Kolumbiya yığmasının müdafiəçisi Ceyson Murilyo yenidən İspaniya La Liqasında çıxış edəcək.

Corner.az xəbər verir ki, “Selta” 29 yaşlı futbolçunu heyətinə qatıb.

Müqavilə ilə “Sampdoriya” klubuna məxsus olan Murilyo , La Liqa təmsilçisində mövsümün sonuna qədər icarə əsasında forma geyinəcək.

Murilyo 2019-cu ildən “Sampdoriya”da çıxış edir. Kolumbiya yığmasında 32 oyuna 1 qol vurmuş futbolçu, ötən mövsümü də “Selta”da icarədə keçirib. O, daha öncə İspaniyada “Barselona”, “Valensiya”, “Las Palmas” və “Qranada”nın da uğurları üçün çalışıb. Murilyonun formasını geyindiyi komandalar arasında Milan “İnter”i də var.