Türkiyənin “Qalatasaray” klubu daha bir futbolçusunu icarəyə verib. Corner.az xəbər verir ki, İstanbul təmsilçisi yarımmüdafiəçisi Yunus Akgünü “Adana Dəmirspor” klubuna icarəyə göndərib.
Bu barədə sözügedən klubların rəsmi saytları məlumat yayıb. Məlumatda, 21 yaşlı futbolçunun bu mövsümün sonuna qədər Adana təmsilçisinin uğurları üçün çalışacağı diqqətə çatdırılıb
Yunus Akgün “Qalatasaray”ın öz yetirməsidir. O, 2018-ci ildən İstanbul təmsilçisinin əsas komandasında forma geyinir. Türkiyənin U-21 yığmasının da üzvü olan futbolçu, ötən mövsümü də “Adana Dəmirspor”da icarədə keçirib.
