- Transfer
- 14:22 15.03.2025
Türkiyənin “Göztəpə” klubu heyətinə yeni futbolçu cəlb edib.
Corner.az xəbər verir ki, Super Liqa təmsilçisi venesuelalı müdafiəçi Vilker Anxeli transfer edib.
Bu barədə klubun rəsmi saytı məlumat yayıb. 28 yaşlı futbolçu ilə 1+1 illik müqavilə imzalanıb.
Anxel 2016-cı ildən Rusiyanın “Axmat” (Qroznı) klubunun formasını geyinirdi. Müdafiəçi daha öncə ölkəsində “Truxilyanos” və “Deportivo Taçira” klublarının da formasını geyinib. Venesuela yığmasının üzvü olan futbolçu, millidə 27 matç keçirib, 2 qola imza atıb.
