Türkiyənin “Girəsunspor” klubu heyətini yeni futbolçu ilə gücləndirib. Corner.az xəbər verir ki, Super Liqa təmsilçisi Rusiyanın “Krasnodar” klubundan Məhəmməd-Şapi Süleymanovu transfer edib.
Bu barədə Türkiyə klubunun rəsmi saytı məlumat yayıb. Məlumatda, 21 yaşlı futbolçunun satınalma şərti ilə mövsümün sonuna kimi icarəyə götürüldüyü vurğulanıb.
Süleymanov “Krasnodar”ın öz yetirməsidir. Rusiyanın U-21 yığmasının da üzvü olan yarımmüdafiəçi, 2017-ci ildən Premyer Liqa təmsilçisinin əsas komandasında forma geyinir.
