Messi'nin PSJ-yə keçidini təsəvvür etmirdim - Qvardiola

"Mançester Siti”nin baş məşqçisi Xosep Qvardiola Çempionlar Liqasında Fransanın PSJ klubuna qarşı keçirəcəkləri oyundan əvvəl fikirlərini bölüşüb.

Corner.az xəbər verir ki, 50 yaşlı mütəxəssis, 34 yaşlı hücumçu Lionel Messinin PSJ-yə keçməsinin sürpriz olduğunu deyib:

“Baş verənlərin hər kəs üçün sürpriz olduğunu düşünürəm. Messinin belə bir addım atacağını təsəvvür etmirdik. Həyatdır, nəyin necə olacağını heç vaxt bilməzsən

Messi Parisdə xoşbəxt olmalıdır. 16 il onu “Barselona” formasında görmək xoş oldu. Messinin hansısa bir təqdimata ehtiyacı olmadığını düşünürəm. Rəqəmlər hər şeyi göstərir. Leonun inanılmaz karyerası var. Ümid edirəm ki, bizimlə oyunda meydanda olacaq”.

Bu gün keçiriləcək PSJ – “Mançester Siti” matçı saat 23:00-da başlayacaq.