Qattuzo üçün Premyer Liqa variantı

Son olaraq “Napoli”yə baş məşqçilik edən Cennaro Qattuzo İngiltərədə çalışa bilər.

Corner.az xəbər verir ki, 43 yaşlı mütəxəssis Premyer Liqa təmsilçisi “Nyukasl”ı çalışdıra bilər. Bu barədə İtaliya mətbuatı məlumat yayıb.

Məlumatda, “Nyukasl” rəhbərliyi komandanın baş məşqçisi Stiv Bryusun işindən narazı olduğu və bu səbəbdən Rəhbərlik Stivi vəzifəsindən göndərib, yerinə Qattuzonu gətirməyi düşündüyü vurğulanıb.

Qattuzo mövsümün əvvəlində “Fiorentina” ilə müqavilə imzalasa da, rəhbərliklə olan fikir ayrılıqlarına görə, oyuna çıxmamış işindən ayrılmışdı.

“Nyukasl” Premyer Liqada 17-ci sıradadır.