- Transfer
- 22:23 07.04.2026
Türkiyənin "Fənərbaxça" klubu futbolçu Mixa Zaytsın keçidi üçün pulu səhvən avtomobil satışı üzrə şirkətə keçirib.
Corner.az klubun rəsmi saytına istinadən məlumatına görə, 2019-cu ildə heyətə cəlb olunan 27 yaşlı sloveniyalı yarımmüdafiəçi üçün İtaliya "Empoli"sinə 830 000 avro ödənişin son hissəsi 2020-ci ildə həyata keçirilib. Lakin bu məbləğ Niderlandın avtomobil alqı-satqı şirkətinə köçüb.
Şirkət pulu qaytarmaqdan imtina etdiyi üçün klub tərəfindən məhkəməyə verilib. 2021-ci ilin avqustunda məhkəmə "Fənərbaxça"nın iddiasını təmin edib.
