PSJ rəhbərliyindən məni buraxmalarını xahiş etdim

PSJ-nin futbolçusu Kilian Mbappe ötən yay onu digər kluba buraxmalarını rəhbərlikdən xahiş etdiyini etiraf edib.

Corne.az-ın məlumatına görə, bu barədə 22 yaşlı hücumçu "RMC Sport"a müsahibəsində bildirib.

Fransa millisinin üzvü Paris klubunun bu transferdən qazanc əldə etməsi üçün belə bir müraciət etdiyini söyləyib: "Xahiş etdim ki, bu yay komandadan gedim. Çünki müqaviləmi uzatmaq niyyətində olmadığımdan, PSJ-nin transferimdən qazanc götürməsini və mənim əvəzimə keyfiyyətli oyunçu tapmasını istəyirdim. Bu klub mənə çox şey verib, burada hər zaman xoşbəxt olmuşam. Düşünürdüm ki, rəhbərliyin xahişimi cavablandırması üçün bunu onlara kifayət qədər tez deməyim lazımdır".

Qeyd edək ki, Kilian Mbappe bu mövsüm Liqa1-də 9 oyuna 4 qol və 3 məhsuldar ötürmə ilə yadda qalıb.