Argentina milli komandasının və “Barselona”nın sabiq müdafiəçisi Xavyer Maskerano baş məşqçiliyə başlayıb. Corner.az xəbər verir ki, 37 yaşlı keçmiş futbolçu, 20 yaşadək futbolçulardan ibarət Argentina yığmasına rəhbərlik edəcək.
Bu barədə Argentina Futbol Federasiyasının mətbuat xidməti məlumat yayıb.
Maskerano 17 illik futbol karyerası ərzində "Liverpul" və "Barselona" başda olmaqla bir neçə klubda da çıxış etdi, "Barselona" ilə 5 liqa, 2 Çempionlar Liqası çempionluğu yaşadı.O, Argentina yığmasında 147 oyuna çıxıb.
